გირჩი - მეტი თავისუფლების წევრმა, იმედა კლდიაშვილმა, მიხეილ სააკაშვილის სამოქალაქო კლინიკაში გადაყვანისა და რიგგარეშე არჩევნების დანიშვნის მოთხოვნით შიმშილობა დაიწყო. ინფორმაციას პარტია გირჩი - მეტი თავისუფლება ავრცელებს.
იმედა კლდიაშვილი გუშინ, ქუთაისში, სუს-ის შენობასთან პროტესტისას დააკავეს. ის წინასწარი დაკავების იზოლატორშია. კლდიაშვილმა შიმშილობა დღეს დილიდან დაიწყო.
ცნობისთვის, გუშინ გირჩი -მეტი თავისუფლების წევრებმა, საქართველოს 6 ქალაქში სუს-ის შენობების შესასვლელები მანქანებით ჩაკეტეს.
ამ დრომდე სხვადასხვა ქალაქის დროებითი მოთავსების იზოლატორში იმყოფება პროტესტისას დაკავებული 10 ადამიანი:
- ბადრი გრიგალაშვილი - გორი;
- ზურა ხომერიკი - გორი;
- ტორესა მოსი - თელავი;
- გიორგი ფუტკარაძე - ბათუმი;
- თემურ გორგაძე - ბათუმი;
- იმედა კლდიაშვილი - ქუთაისი;
- ირაკლი კუკანია - რუსთავი;
- დაჩი გიორგაძე - რუსთავი;
- ვანო ჩუთლაშვილი - რუსთავი;
- მათე მგელაძე (ენმ-ის წევრი) - რუსთავი
ცნობისთვის, საქართველოს მესამე პრეზიდენტი, მიხეილ სააკაშვილი 1-ლ ოქტომბერს დააპატიმრეს. მან შიმშილობა დაკავებისთანავე დაიწყო და უკვე 44 დღეა შიმშილობს.
დროას ლიდერმა, ელენე ხოშტარიამ მიხეილ სააკაშვილის სამოქალაქო კლინიკაში გადაყვანის მოთხოვნით შიმშილობა 3 ნოემბერს დაიწყო. ის მე-11 დღეა პარლამენტის შენობაში შიმშილობს.
დახურვა